E vërteta e Rexhep Qoses

Konsiderohet si njëri nga personalitetet më të rëndësishme kosovare, por edhe shqiptare i cili me intelektin e tij prej letrari, kritiku e politologu zuri një vend të veçantë në historinë e kombit shqiptar. Është ky kolosi i mendimit dhe fjalës shqipe, akademiku Rexhep Qosja, i cili në ditëlindjen e 78 të tij dashamirëve të fjalës së shkruar dhe gjithë popullit të tij i dhuroi 4 vëllime nga ditari i tij.

E gjithë kjo ngjarje ndodhi mbrëmë në objektin e hotelit “Swiss Diamond” në kryeqytet, ku në mesin e shumë të ftuarve e personaliteteve të shquara shqiptare u promovua ditari që mban titullin “Dëshmitar në kohë historike”. Ky dorëshkrim trajton çështje personale, probleme shoqërore, letrare e shkencore në Kosovë dhe Shqipëri. Po ashtu në ditar përmenden edhe vitet historike 1968 dhe 1981, formimi i partive të para, themelimi i UÇK-së, marrëdhëniet me Shqipërinë dhe qëndrimet politike e intelektuale ndaj Shqipërisë.

Në ditarin e vet, akademiku Qosja është ndalur dhe te personalitete të ndryshme shqiptare nga fusha të ndryshme që nga kultura e deri te politika. Një segment tejet i rëndësishëm në këto vëllime është gjithashtu historia e vërtetë e përpjekjeve shumëvjeçarë për ndryshimin e fatit të mëparshëm historik të popullit shqiptar…(Tribuna).