E sulmojnë në grup, policia në kërkim të të dyshuarve

Kamenicë – Policia e Kosovës ka pranuar një informatë për një rast “Lëndim trupor”. Nga hetimet e para në vendin e ngjarjes mësohet se një person është lënduar nga disa persona në fshatin Koretin të Kamenicës.

Njësitet patrulluese policore kanë takuar viktimën shqiptar i cili raporton se është sulmuar fizikisht nga një i dyshuari shqiptar të cilin e njeh viktima si dhe një tjetër i dyshuar të cilin nuk e njihte.

Viktima, ka kërkuar ndihmën e mjekut dhe pas tretmanit mjekësor në QMF Kamenicë është transferuar në Emergjencë Gjilan, ku më pas është liruar.

Në lidhje me rastin është kontaktuar prokurori i shtetit i cili urdhëron që rasti t`i dedikohet njësisë së hetimeve. Policia është në kërkim të të dyshimtëve njoftoj policia e Gjilanit./rajonipress/