E sjellë vrasësin e së bijës para drejtësisë me ndihmën e shqiptarit

Kur në vitin 1982, Andre Bamberskit (tash 76 vjeç), i vdiq vajza 14 vjeçare (Kalinka) në rrethana të dyshimta në duart e njerkut në Bavari të Gjermanisë, Dr. Dieter Krombach-it, ai ishte i sigurt që vajza e tij ishte vrarë nga njerku pasi që ai e kishte përdhunuar atë dhe e kishte mbytur me injeksion që t’i fshihte gjurmët.

Për tre dekada Bamberski bëri kampanjë që Dr Krombach të vihej para drejtësisë, por kur të gjitha format legale u harxhuan, ai vendosi ta rrëmbente ate.

Dhe në vitin 2011 ai i punësoi dy rrëmbyes, njëri prej të cilëve ishte shqiptari Anton Krasniqi, të cilët e rrëmbyen doktorin, e transportuan nga Gjermania në Francë, dhe të lidhur e të përgjakur e hodhën para zyrës së prokurorisë në qytetin Mulhouse.

Rrëmbimi ishte i suksesshëm, dhe po në të njëjtin viti Krombach u dënua me 15 vite burg për vrasjen e vajzës së Bamberski’t.

Por rrëmbyesit u zunë nga policia dhe u kuptua që ishin punësuar nga Bamberski.

Dje Bamberski i shpëtoi burgut pasi që u morën parasysh rrethanat e veprës së tij, por nuk dihet se çka do të ndodhë me fatin e Krasniqit dhe rrëmbyesit tjetër nga Gjeorgjia, Kacha Bablovani’t.