E shkruamë me gjakun tonë

Poezi nga Avdush Canaj

Me borën e parë të dimrit
Rrugës iu mbuluan dangat
Mua m`i vunë prangat
Uluritën veshur zi

Ti e ke shkruar në faqe të malit
Emrin Republikë
Ti
Rregullova shallin

Ngrita ballin
Pikërisht unë
Unë, dhe pikë
Si shkove

Pse e shkrove
E shkrova sepse…
Rrapëlluan xhamat
Atë natë të vonë

Brenda hyri frika
Shqiponjat si vetëtima
Ne e shkruamë
Me gjakun tonë

Diell i madh
Do të jetë Republika
Në çast dhelparakët
I lëshoi fryma

Shpërndaje.
© RAJONIPRESS