E rrahin me mjete të forta, arrestohen dy të dyshuar në Viti

Viti – Policia e Kosovës në stacionin Policor në Viti ka pranuar një informatë se në fshatin Tërpezë, të kësaj komune me 06 shkurtë 2018, rreth orës 15:30 ka ndodhur një rrahje mes disa personave, ku të involvuar kanë qenë si të dyshuar dy persona, shqiptar shtetas të Kosovës, ku dyshohet se viktimës po ashtu shqiptar shtetas i Kosovës ja kanë zënë rrugën me një veturë “Opel Vektra”, me qëllim që viktimën ta detyrojnë të ndalet, pasi që ishte duke drejtuar traktorin e tij, ku me këtë rast e kanë goditur me mjete të forta, gjersa kanë shkaktuar edhe dëme materiale në traktor ku ju kanë thyer disa xhama të kabinës.

Viktimës i kanë shkaktuar lëndime trupore ku ka kërkuar edhe tretman mjekësor. Lidhur me rastin është njoftuar prokurori i shtetit, i cili ka urdhëruar që ndaj dy të dyshuarve të caktohet masa e ndalimit për 48 orë dhe rasti të procedohet në prokurori njoftoj Ismet Hashani./rajonipress/