E rrahë me forcë të dashurën, përfundon në burg

Gjilan – I dyshuari shqiptar shtetas i Kosovës ka shkuar tek e dashura e tij, ka goditur derën e hyrjes të cilën e ka hapur me forcë, ka hyrë brenda në shtëpi dhe e godet viktimën me grushta në pjesë të ndryshme të kokës disa herë, duke i shkaktuar lëndime trupore njoftoj policia e Gjilanit.

Sipas policisë viktima ka kërkuar ndihmë mjekësore kurse dyshohet se deri tek rasti në fjalë të ketë ardhur sepse viktima kishte kërkuar nga i dyshuari që të ndërpresin lidhjen e tyre.

I dyshuari është intervistuar dhe janë gjetur dëshmi se ai e ka kryer veprën në fjalë.

Me vendim të Prokurorit të Shtetit, i dyshuari ndalet për 48 orë. Rasti procedohet në Gjykatë./rajonipress/