E quajti Obaman “zijosh”, u pushua nga puna

Denise Helms, 22-vjeçarja nga Turlocku i Californias, është pushuar nga puna pasi në Facebook e ka quajtur “zijosh” presidentin amerikan Barack Obama, ndërsa ka shkruar se shpreson që dikush do ta vras atë gjatë mandatit të tij të dytë.

Në një intervistë në një stacion televiziv lokal në Sacramento, ajo përsëriti se do të gëzohej nëse dikush bënë atentat në Obaman, për çka ajo tashti është nën hetimet e shërbimeve sekrete.

“Incidenti hetohet”, ka thënë për “New York Post”, agjenti i shërbimit sekret në Sacramento, Scott Gillingham .

Helms komentin e saj ofendues në FB e vuri pasi Obama u shpall fitues në zgjedhjet presidenciale. Mediat lokale mezi pritën të merren me këtë sulm racist, për çka ajo u pushua nga puna.

Drejtori i kompanisë ku punoi Helms i tha asaj që më nuk ka nevojë të vije në punë. Mediave lokale ai u tha se komentet e ish punëtores i konsideron si të “gërditshme”. /Telegrafi/