E premtja e bllokut

Partitë politike nuk kanë asnjë plan konkret për konstituimin e shpejtë të Kuvendit të Kosovës. PDK është e vendosur që pa marrëveshje politike të mos shkojë në Kuvend, ndërsa partitë opozitarë po presin që partia në pushtet të lëshojë pe dhe ta thërrasë seancën. Kësisoj, as heqja dorë e LAN-it për postin e kryeparlamentarit nuk e ka ndihmuar zhbllokimin e situatës.

Partitë e bllokut do të presin deri të premten dhe nëse deri atëherë PDK nuk e thërret seancën, atëherë me shumë gjasë liderët e katër partive do të mblidhen të premten dhe do të vendosin për hapat e mëtutjeshëm. Por, burime të gazetës kanë thënë se në këtë takim, blloku do të hapë edhe temën e ndjeshme të riformulimit të marrëveshjes, sipas së cilës Ramush Haradinaj nuk do të jetë më i propozuari i tyre për kryeministër, pasi që këtë post po e synon LDK-ja me Isa Mustafën.

Anëtari i kryesisë se Lidhjes Demokratike të Kosovës, Avdullah Hoti, ka thënë se ka pajtueshmëri në mes të partive të koalicionit për votimin e kandidatit të PDK-së për kryetar të Kuvendi. Ky veprim, sipas tij, është i mjaftueshëm për të konstituuar Kuvendin…(Tribuna)