E përhershmja Poezi … I derdhur vargjesh

Poezi nga Sabit Rrustemi

Çeli sytë
Vjeshta nëpër trupin tënd
mbjell lule ngjyrëndezura
Petaleve të tyre afroji buzët
le pak aromë
se ua vodhi era
Mos harro
që dikë e ke dikund
Dikush ngrohet në zjarrin që fsheh ti
Shih si i shtrin gishtrinjtë
si i skuqen mollëzat
si i qeshin ata sy
Zjarrit të tij
përzjarru dhe ti
Stina që vjen zgjat ëndrrën
rrugën time kah ajo hyjni
që banon brenda asaj zemreje prej luleje
Nuk e shoh
Vetëm e ndjej
e di se frymon nën tëndin gji
e nuk ndalet
as kur akujt varen çerpikëve
e bie shi
shi e dashuri
A po e ndjenë shpirtin tim
I tëri i derdhur vargjesh
po vjen te ti