E kreu ndeshjen me një asistim, ‘WhoScored’ vlerëson kështu Arbër Zenelin

Reims nuk ka arritur të nxjerrë asgjë më shumë se një pikë në udhëtim tek Angers.

Pas humbjes nga Saint-Etienne, djelmoshat e David Guion kanë barazuar 1:1 sot me Angers në Ligën 1, raporton Zëri.info.

Në këtë ndeshje startoi nga minuta e parë për Reims edhe sulmuesi i Kosovës, Arbër Zeneli.

Mitrovicasi qëndroi në fushë për 79 minuta, teksa dhuroi edhe asistimin te goli i Mathieu Cafaro.

Kështu, “WhoScored” e ka vlerësuar ish-futbollistin e Heerenveenit me notën 6.6 për paraqitjen e sotme.

Me këtë barazim, Reims mbetet në vendin e tetë me 49 pikë, dhjetë pikë larg vendit që dërgon në Ligën e Evropës./Zëri.info