E kërcënon me armë bashkëvendësin, prangoset një serb nga Kllokoti
Gjilan – Me 25prill 2018, rreth orës 20:45 , Policia e Kosovës në Kllokot ka pranuar një informatë se i dyshimti serb shtetas i Kosovës nga fshati Verbovc ka kanosur me armë zjarri viktimën po ashtu serb banues në këtë fshat.
Me të marr informatën, patrulla policore ka kontaktuar ankuesin dhe më pas me urdhër nga Prokurori i shtetit është kryer bastisja në shtëpinë e të dyshuarit.
Gjatë bastisjes në shtëpinë e të dyshuarit është gjetur një armë pushkë gjuetie dy tytëshe. Në lidhje me rastin prokurori i krimeve të rënda urdhëron që personi i dyshuar të ndalet për 48 orë, nën dyshimin për dy vepra penale, “Mbajtje në pronësi, kontroll apo shfrytëzim të paautorizuar të armës” dhe “Kanosje” njoftoj Ismet Hashani./rajonipress/