E ka dashur futbollin, ka ushtruar karate, Robin Krasniqi zbulon pse vendosi të merret me boks

Robin Krasniqi është njëri ndër boksierët më të mirë në trojet shqiptare.

32-vjeçari nga Juniku i cili përfaqëson Gjermaninë në nivelin ndërkombëtar, renditet në vendin e 25-të nga 1374 boksierë në ranglistën botërore.

Krasniqi së fundmi pësoi humbje Stefan Haertel në muajin maj, por që kjo nuk e zbehë talentin e jashtëzakonshëm që ka në boks, raporton Zëri.info.

Nga 55 përballje të zhvilluara deri më tani, Krasniqi ka regjistruar 49 fitore teksa ka gjashtë humbje.

Ndonëse është boksier i mrekullueshëm, Krasniqi më herët ka pëlqyer të merret me sporte si futbolli apo edhe karate.

I ftuar në emisionin “Vera” në RTK, Krasniqi ka zbuluar se pse në fund vendosi të merret me boks.

“Çdo sport e kam respektuar dhe e kam dashur çdo sport, por zemra më ka thënë gjithnjë sportet luftarake. Kam provuar edhe karate, por s’kam qenë 100% i gatshëm për ty”, tha fillimisht Robin Krasniqi, përcjell Zëri.info.

“Nga sporti i karatesë kam mësuar shumë – shpejtësinë, por në fund më shumë u përshtata me boks”, vlerësoi 32-vjeçari.

“Në familje kam qenë më i urti dhe askush nuk e besonte se mund të bëhesha boksier. Kam shikuar shumë filma dhe e kemi pasur aty edhe Luan Krasniqin. Të gjithë ishin kundër që unë të bëhesha boksier”, shtoi boksieri i lindur në Junik./Zëri.info