E godet me tjegull në kokë, bëhet për spital, arrestohet i dyshuari

Gjilan – Policia e Kosovës është njoftuar nga Emergjenca Rajonale në Gjilan se aty është sjellur një person i lënduar. Njësitet sektoriale kanë dalë në Spitalin Rajonal dhe nga mjeku kujdestar janë njoftuar se viktima Shqiptar Shtetas i Kosovës është sjellur nga familjarët e tij në gjendje të rëndë shëndetësore, për shkak të plagëve të marra nga një goditje me mjet të fort (tjegull).

Bazuar në deklaratat e dhëna nga dëshmitarët e rastit, dhe nga i dyshuari po ashtu Shqiptar Shtetas i Kosovës, mësohet se derisa ai kishte qenë duke qëndruar me viktimën në veturën e tij, pas një fjalosje verbale në mes tyre, e cila më pas kishte eskaluar, i dyshimti për një moment pasi del nga vetura e godet viktimën me një mjet të fort (tjegull) në kokë, me ç’rast viktima ka pësuar lëndime të rënda trupore, ku fillimisht ndihmë i është ofruar në emergjencën e Gjilanit dhe më pas është dërguar në QKU- Prishtinë për tretman të mëtutjeshëm.

I dyshuari është arrestuar nga Policia e Kosovës dhe me vendim të Prokurorit ndalet në mbajtje për 48 orë. Rasti është duke u hetuar njoftoj Ismet Hashani./rajonipress/