E ashtuquajtura “OJQ” “Fortesa” kliente servile e pushtetit komunal!

Kamenicë – Lëvizja VV me vëmendje është duke i përcjellur zhvillimet në jetën politike në Komunën e Dardanës e veçanërisht mbledhjen e fundit të Kuvendit të Komunës ku përfaqësuesi ynë në këtë institucion anëtari i Kuvendit të Komunës Arsim Thaçi me konstruktivitet po vazhdon mbrojtjen e interesave të qytetarëve të komunës sonë. Njëherit ky anëtarë i Kuvendit të Komunës është ndërë më aktivët në kuvend dhe përfaqëson në mënyrë dinjitoze Lëvizjen VV!

Zhvillimet e fundit në mbledhjen e Kuvendit Komunal të Dardanës nuk i shkuan përshtati të ashtuquajturës “OJQ” “Fortesa” kur ishte në rend të ditës pika e tetë lidhur me ndarjen e granteve për OJQ-të komunale, Lëvizja VV e përfaqësuar në kuvend nga Arsim Thaçi ngriti shumë pyetje dhe shqetësime se si kanë shkuar procedurat e ndarjes së granteve për këto OJQ, involvimi direkt i nënkryetarit të komunës Matoshi në ndarjen e këtyre granteve duke filluar nga shpallja e njoftimit, formimi i komisionit procedurat dhe porositë e këtij të fundit për komisionin se cilat OJQ duhet të përfitojnë duke caktuar edhe shumën për projektet në fjalë. Pra, në këtë rast e ashtuquajtura OJQ “Fortesa” ka përfituar grantin maksimal 5800 euro, falë lidhjeve klienteliste në mes të zonjës Sanije Jahiri (përfaqësueses së kësaj “OJQ”-je) dhe bashkëpunëtorit të hershëm të “shoqërisë civile”, nënkryetarit të komunës Fatmir Matoshi!

Në mbledhjen e Kuvendit të Komunës, anëtari i Kuvendit të Komunës nga radhët tona, Arsim Thaçi kërkoi sqarime se në cilin hotel qëndruan, sa kushtoi akomodimi, rruga,salla,ushqimi, sa veta ishin në atë “punëtori”, kush morën pjesë dhe sa zgjati qëndrimi. Me këtë rast nuk mori përgjigje, sepse për këto informata të kërkuara nuk lejoi që të jepen kryetari Sinani!

Rasti më i freskët është një vizitë(shëtitje) apo e ashtuquajtura punëtori në Ohër të IRJM-së në hotelin “Holiday” ku ishin pjesëmarrës zyrtare nga ekzekutivi i komunës, administrata dhe disa qytetarë, si dhe vet kryetarja e komisionit komunal për ndarjen e granteve për OJQ-të, Teuta Kastrati.

Nga informatat që kemi ne lidhur me këtë rast në atë “punëtori” ishin pjesëmarrës rreth 23 veta dhe për pjesëmarrjen e tyre, ata u shpërblyen nga organizatori me nga 50 euro. Për këtë të ashtuquajtur “punëtori” një pjesë të mirë të pjesëmarrësve i kishte ftuar personalisht nënkryetari i komunës Fatmir Matoshi.

Involvimi dhe nënshkrimi në vend të kryetarit për ndarjen e granteve, pjesëmarrja në atë punëtori, bashkëpjesëmarrja në organizimin e saj janë një mori dyshimesh që këtu kemi lidhje të raporteve klienteliste në mes të ekzekutivit të komunës(direkt nënkryetarit dhe “OJQ”-së në fjalë) dhe ftojmë prokurorinë e shtetit që të merret me këtë rast.

Qendra e LVV-së në Dardanë, me datën 19.09.2014 zyrtarisht ka kërkuar nga Komuna e Dardanës informatë me shkrim lidhur me ndarjen e granteve(mjeteve financiare) për OJQ-të komunale (Cilat OJQ kanë përfituar, shuma e mjeteve të përfituara, fushëveprimtaria e projekteve, të dhënat e përfaqësuesve) dhe ende deri më tani nuk kemi marrë përgjigje!

Qendra e LVV-së në Dardanë, qëndron prapa dhe e mbështetë fuqishëm përfaqësuesin e saj në Kuvendin e Komunës së Dardanës, Arsim Thaçi duke e inkurajuar atë që të vazhdojë me këtë ritëm të punës në mbrojtje të interesave publike të komunës dhe qytetarëve të saj.

Lëvizja VETËVENDOSJE!,-Qendra në Dardanë, i bënë thirrje publike pushtetit komunal në Dardanë që të mos mbështet OJQ-të servile, sepse nga to nuk ka dobi as shoqëria e as vet komuna, por, le të krijojë kushte për shoqëri civile kritike, të ndershme, të përgjegjshme dhe hulumtuese në zbardhjen e mangësive të vet pushtetit komunal në dobi të qytetarëve, institucioneve dhe gjithë opinionit të Dardanës thuhet në reagimin e Lëvizjes VV Qendra në Dardanë./rajonipress/