Dyshime për inskenimin e një aksidenti për të mbuluar vrasjen e një vajze

Katër burra kishin mbetur të fundit pranë varrit të Kosovare Kurtajt ditën e varrimit në Istog. Ata shihen në një video-xhirim tek bëjnë një bisedë serioze në varreza, shkruan sot Koha Ditore.

Avokati Ramë Dreshaj pretendon se e di çfarë kanë folur ata. Kjo, bazuar në literaturën kriminalistike dhe përvojën e gjatë si polic hetues.

“Ata betohen që të varroset sekreti, qysh është varrosur kjo vajzë sot”, thotë Dreshaj, që ka punuar 20 vjet në Polici, në sektorin e vrasjeve, dhe si trajnues i kuadrove të reja policore.

Këto pretendime janë injoruar vite me radhë, ani se një dëshmitar ishte i gatshëm të dëshmonte se Kosovarja nuk kishte vdekur në aksident komunikacioni siç pretendonte Prokuroria, por ishte vrarë nga disa njerëz që njihen si “komandantë të Mitrovicës”.

Kosovare Kurtaj (1988), e lindur në Francë, ka vdekur më 4 dhjetor 2010, pak pas mesnatës, në rrugën Prishtinë – Mitrovicë në Milloshevë.

http://koha.net/?id=3&l=61422