Dy tërmete të fuqishme godasin Kosovën, ja detajet

Kosova është goditur nga dy tërmete mesnatën e të mërkurës.
Sipas informacioneve që ka Telegrafi nga instituti seizmologjik ndërkombëtar, tërmeti i parë dhe më i fuqishmi vendin tonë e goditi në ora 2:30 pas mesnate.

Epiqendra e këtij tërmeti mësohet të ketë qenë në fshatin Sudenicë, tetë kilometra larg Istogut.

Pikërisht në pjesën perëndimore të Kosovës është ndier më shumë ky tërmet ku në rrjete sociale vërehet edhe një panikë e vogël nga qytetarë të kësaj ane që e kanë përjetuar këtë tërmet. Tërmeti është ndjerë në Gjakovë, Skënderaj, Pejë, Mitrovicë dhe mbarë rrafshin e Dukagjinit si dhe pjesë tjera të vendit.

Tjetri tërmet vendin tonë e goditi vetëm pak minuta (2:47) më pas, por i një magnitude prej 2.6 shkallë të rihterit.

Ende nuk raportohet për dëme materiale apo në njerëz, teksa priten edhe vlerësimet e para nga instituti seizmologjik i Kosovës mëngjesin e të mërkurës. /Telegrafi/