Dy të arrestuar, trafikonin 9 kg substanca narkotike

Pejë – Drejtoria për hetimin e trafikimit me narkotikë- njësia në Pejë pas hetimeve të kryera kohë më parë dhe në zbatim të urdhëresës së Gjykatës së Qarkut në Pejë, sot ka realizuar një operacion policor duke kryer bastisje në dy lokacione të ndryshme në qytetin e Pejës.

Gjatë këtij operacioni policor janë arrestuar dy persona me dyshimin e bazuar se të njëjtit kanë kryer veprat penale “ blerje, posedim, shpërndarje dhe shitje e paautorizuar e narkotikeve të rrezikshëm dhe substancave psikotrope dhe mbajtje në pronësi, në kontroll, posedim ose shfrytëzim të paautorizuar të armëve”.

Në cilësi të provave materiale gjatë këtij operacioni policor janë konfiskuar 9 kg 562 gramë substancë e dyshuar narkotike e llojit marihuanë dhe një armë qe ka qenë në posedim në mënyrë të paligjshme.

Personat e arrestuar lidhur me ketë rast janë: Burhan. P. (1971) dhe. Ymer. A. ( 1987). Të gjitha veprimet policore lidhur me ketë rast janë kryer me autorizimin e prokurorit përkatës dhe dy të dyshuarve ju është caktuar masa e ndalimit policor prej 48 orësh. /qik/