Dy shtete në ndjekje të tropojanit që plagosi policin e Kosovës

Një shkëmbim me armë zjarri mes të shumëkërkuarit Agim Madani dhe pjesëtarëve të Policisë së Kosovës, mbrëmjen e së shtunës, në Radavc të Pejës, pati për pasojë një zyrtar policor të plagosur, shkruan sot Koha Ditore.

Identiteti i policit që u plagos po mbahet i fshehtë për opinion për shkaqe sigurie. Ai ka pësuar lëndime në shpinë dhe këmbë, por është jashtë rrezikut për jetën.

Lajmin për vendndodhjen e të dyshuarit, Policia e kishte mësuar nga disa banorë të fshatit, të cilët kishin identifikuar tanimë të shumëkërkuarin Madanin, në rrugët e fshatit Radavc.

Siç mëson gazeta, ai nuk ka qenë vetëm, por i shoqëruar me një femër. Që të dy të armatosur.

Prezenca e Madanit, për të cilin në korrik të këtij viti Policia kishte publikuar një fotografi si person të dyshuar për disa vepra penale, kishte frikësuar banorët e Radavcit që e kishin parë edhe të armatosur.

http://koha.net/?id=3&l=73889