Dy shqiptarë ngjisin Lusanne Ouchy në elitën e futbollit zviceran për herë të parë në histori
Lusanne Ouchy siguroi ngjitjen në elitë falë rezultatit të përgjithshëm 6-2 ndaj Sion-it, të Paolo Tramezzanit, ish-asistenti i Gianni De Biasi, që kështu bie në Challenge League.
Në ndeshjen e dytë, atë të kthimit Lusanne triumfoi 4-2 dhe protagonist absolut ishte Liridon Mulaj me dy gola gjithashtu edhe Alban Ajdini gjeti rrugën e rrjetës.
Ashtu si në ndeshjen e parë, Mulaj zhbllokoi rezultatin në minutën e 6′, ndërsa miqtë barazuan pas 17 minutash me Zuffi.
10 minuta nga fundi i pjesës së parë, Lusanne mori avantazhin, këtë herë me Ajdinin, i cili u shërbye nga lojtari tjetër me origjinë shqiptare Qarri.
Por, pjesa e parë u mbyll në barazim, kjo pasi Sion shënoi me Grgic në minutën e 39′.
Në fraksionin e dytë, vendasit shënuan me Okou në minutën e 81′, ndërsa llogaritë i mbylli 24-vjeçari, Liridon Mulaj me golin e katërt në minutën e 89′.