Dy shqiptarë ndër njëzet më të mirët në Ligën Premier

“TalkSport” ka bërë një listë prej 20 futbollistëve më të mirë të pozitës së mesfushorit sulmues apo organizativ të Ligës Premier.

Mesin e tyre kanë gjetur vend edhe dy futbollistë shqiptarë, të cilët kanë ndikim të madh në skuadrat e tyre.

Bëhet fjalë për reprezentuesin zviceran, Xhedan Shaqiri që luan te Stoke City si dhe Andnan Januzaj i huazuar te Sunderland, transmeton Telegrafi.

Gjersa Shaqiri gjendet në vendin e 13-të të listë, Januzaj pozicionohet në fund të renditjes prej 20 futbollistësh.

“Ai shkëlqen, por që nuk është vazhdimësi. Ndeshje e shkëlqyer kundër Hull Cityt, ku realizoi dy gola dhe dëshmoi se sa i mirë mund të jetë”, kështu e përshkuan revista Shaqirin.

“Januzaj shkëlqeu nën urdhrat e David Moyesit te Manchester Unitedi, andaj tifozët e Sunderlandit janë të lumtur me huazimin. Por ka qenë një start zhgënjyes për reprezentuesin belg, që vështirë se do të tërheqë vëmendjen e Jose Mourinhos”, kështu e përshkuan revista Januzajn.

Vlen të theksohet se listës i prinë futbollisti i Liverpoolit, Philippe Coutinho duke lënë pas Kevin De Bruyne e Manchester Cityt dhe Mesut Ozilin e Arsenalit. /Telegrafi/