Dy shqiptare, kandidate për zgjedhjet lokale në Bari të Italisë

Eva Meksi dhe Uljana Gazidede janë kandidatet shqiptare që do të garojnë në zgjedhjet lokale në Bari të Italisë, shkruan albinfo.ch.

Lajmi për kandidimin e dy shqiptareve është bërë i ditur edhe në faqen zyrtare të ministrit të Diasporës në Shqipëri, Pandeli Majkos.

“Eva Meksi u vendos në Bari 28 vjet më parë, ajo është e njohur në komunitet si kineaste dhe përkthyese, ka vendosur të garojë për të kontribuar në qytetin që e priti dhe e ndihmoi tri dekada më parë. Uljana Gazidede, avokate në profesion është e specializuar në të drejtën e emigracionit dhe ka ndjekur çështje të ndryshme të emigrantëve në Itali”, kanë shkruar në faqen zyrtare, përcjell albinfo.ch.

Zgjedhjet lokale në Bashkinë e Barit në Itali do të mbahen më 26 maj të këtij viti.

Edhe në vendet e tjera të Europës janë disa shqiptarë që po kandidojnë në zgjedhjet tripalëshe të BE-së.

Dy shqiptare, kandidate për zgjedhjet lokale në Bari të Italisë