Dy shoqata të grave në Viti kërkojnë parcela për punësimin e femrave

Gjilan – Nexhmedin Ramiqi kërkoj që organet komunale të shikojnë mundësitë që në fshatin Sllatinë e Ulët dhe Binqë të ndahen parcela me qëllim që të ndërtohet një objekt i vogël ku gratë e këtyre shoqatave do të kenë mundësinë e zhvillimit të aktiviteteve të tyre afariste.

Zëvendëskryetari i Komunës së Vitisë Abdyl Bajrami ka pritur një delegacion të shoqatave të “Grave Gjelbina” dhe” Sweet Cake” nga fshatrat Sllatinë e Ulët dhe Binqë, shoqata këto të cilat përkrahen nga Iniciativa për Komunitetin Kosovar dhe nga organizatat Suedeze .

Sipas përfaqësuesve të këtyre shoqatave qëllim kryesor i tyre është zbutja e papunësisë dhe atë përmes plasimit të produkteve ushqimore në treg.

Nexhmedin Ramiqi nga Iniciativa për Komunitetin Kosovar kërkoj nga organet komunale që të shikohen të gjitha mundësitë që të përkrahen këto shoqata pasi kjo sipas tij është në të mirën e qytetarëve , zbutjen e papunësisë si dhe inkuadrimit të grave në biznes.

Ai kërkoj që organet komunale të shikojnë mundësitë që në fshatin Sllatinë e Ulët dhe Binqë të ndahen parcela me qëllim që të ndërtohet një objekt i vogël ku gratë e këtyre shoqatave do të kenë mundësinë e zhvillimit të aktiviteteve të tyre afariste .

Ndërsa zëvendëskryetari i Komunës së Vitisë Abdyl Bajrami tha se çdo iniciativë që është në të mirën e qytetarëve, por në veçanti të grave dhe mirëqenies së tyre është e mirëseardhur nga Institucionet Komunale, duke shtuar se me çështjen e pronave merret ekskluzivisht Kuvendi Komunal andaj i sugjeroj ato që për këtë të shkojnë me procedurat e rregullta ligjore.

Ndërsa Avni Minisni Drejtor i Drejtorisë për Bujqësi, Pylltari dhe Zhvillim Rural theksoi se kjo drejtori do të shikon mundësinë që të ndihmoj këto shoqata, por shtoi se për këtë vit një gjë e tillë është e pamundur duke nënvizuar se për vitin tjetër kjo drejtori do t`i këtë parasysh edhe këto shoqata.

Ndërsa Ibadete Hyseni zyrtare për barazi gjinore në Viti mirëpriti këtë iniciativë duke shtuar se kjo komunë është e gatshme që të ndihmoj projektet e ndryshme të cilat kanë për qëllim zhvillimin ekonomik por edhe inkuadrimin e grave në biznes. /rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).