Fidanishtja

Dy raste negative me Covid 19 në Viti

/ 1 minutë lexim

Viti – Edhe dy mostra nga Komuna e Vitisë, që janë testuar mbrëmë për Covid 19, në Institutin Kombëtar të Shëndetit Publik të Kosovës, kanë rezultuar negative. Kryetari i Komunës së Vitisë, Sokol Haliti, ka thënë në Komitetin Komunal për Mbrojtje dhe Shpëtim se ky është lajm i mirë, sepse Vitia edhe pas 29 ditëve, nuk ka raste të reja me të infektuar.

Ai tha se testime ka pasur në vazhdimësi, por për fat të mirë gjendja epidemiologjike është stabile.

Sipas tij, këto rrethana lehtësuese mundësojnë një frymëmarrje dhe kthim në punët e përditshme, me imperativ normalitetin e plotë.

Hidromorava

Mirëpo, Haliti tha se vëmendja gjithsesi që duhet të mbahet, sepse virusi akoma është prezent në komuna të tjera, madje edhe fqinje.

Ai poashtu tha se përkundër kësaj gjendje, qytetarët duhet të vazhdojnë të respektojnë rekomandimet e profesionistëve shëndetësorë, në mënyrë që të mos ketë ndonjë kthim të befasishëm të gjendjes./rajonipress/