Dy qendra kulturore në diasporë funksionojnë, pesë të tjera bëhen gati

Prishtinë – Stambolli dhe Zürichu janë të vetmet qytete në të cilat ekzistojnë qendra kulturore të Kosovës. Por kjo do të ndryshojë. Ministria e Diasporës ka në plan të hapë edhe pesë qendra të tjera që promovojnë kulturën shqiptare.

Suedia, Gjermania, Austria, Franca dhe Shtetet e Bashkuara janë vendet në të cilat ky institucion planifikon të hapë qendra kulturore brenda këtij viti.

Themelimi e funksionalizimi i qendrave të reja kulturore kësaj ministrie do t’i kushtojë rreth 700 mijë euro.

Ndërsa ushtrues detyre të drejtorit të Qendrës kulturore në Stamboll është Qamil Bytyçi, në Zürich është Shukrije Ramadani (“Kohën Ditore”).