Dy nga të arrestuarit, ish-luftëtarë të ISIS-it

Dy nga pesë të arrestuarit për përgatitje të veprave terroriste tek liqeni i Badocit kanë qenë pjesë e “Shtetit Islamik” në Siri. Ata kanë shkruar dhe janë kthyer në Kosovë në periudha të ndryshme kohore.

Besnik Latifi, 38-vjeçar nga Mitrovica, në zonën e konfliktit në Siri kishte qenë dy herë, nga 16 shkurti i vitit 2013 e deri më 22 prill të të njëjtit vit, ndërsa herën e dytë nga 30 tetori i 2013-s e deri më 16 prill të 2014-s.

Në një periudhë të njëjtë në Siri kishte qenë edhe i dyshuari tjetër, Gazmend Halili, 31-vjeçar nga Hajvalia. Ai ishte kthyer nga Siria në Kosovë në maj të vitit 2014. Që të dy, së bashku me Enis Latifin, 33-vjeçar nga Mitrovica, Milazim Haxhiajn, 28-vjeçar nga Rakoshi i Istogut, dhe Fehmi Musën, 31-vjeçar nga Fushë Kosova, janë arrestuar në orët e para të së shtunës./zeri/