Dy ndeshje jashtë Gjilanit për KH Zhegra

Gjilan – Ndeshja e ndërprerë e javës së tetë të Superligës në hendboll ndërmjet Zhegrës e Prishtinës është regjistruar me rezultat zyrtar 10:0 në të mirë të Prishtinës. Ky takim u zhvillua të shtunën në Gjilan, por u ndërpre në minutën e tetë për shkak të sulmit fizik të shikuesve ndaj arbitrave të ndeshjes.

Zhegrës i është marrë edhe një pikë, ndërsa është gjobitur me 300 euro dhe zhvillimin e dy ndeshjeve jashtë terrenit të saj, përkatësisht jashtë Gjilanit. Vendimet u morën të mërkurën nga komisari i garave të FHK-së, Faruk Mujka.