Dy kosovarë arrestohen në Bazel menjëherë pas grabitjes

Në natën e së martës dy kosovarë dyshohet se hynë për të grabitur klubin e natës “Borderline” i cili gjendet në Hagenaustrasse. Sapo largohen nga vendi i ngjarjes ata arrestohen nga policia zvicerane.

Policia e Bazelit ka arritur të arrestojë të martën rreth orës 3 pas mesnate dy kosovarë të moshës 23 vjeçare të cilët dyshohet që kishin tentuar për të grabitur një klub nate në rrugën Hagenaustrasse, shkruajnë mediet zvicerane, transmeton “albinfo.ch”.

Qëllimi i tyre ishte vjedhja e arkës së sigurisë së parave. Ata ishin munduar me mjete të ndryshme për ta vjedhur, por një person i cili gjendej në lokal nga zhurmat e dëgjuara, ka lajmëruar policinë.

Sipas policisë zvicerane grabitësit ishin munduar të iknin nga daljet emergjente por nuk ia arritën. Njërit nga të dyshuarit iu gjetën qindra franga me vete. Se nga kanë ardhur ato para, sipas prokurorisë ende nuk është e qartë. Që të dy pritet të dalin para organeve të drejtësisë!/albinfo/