Dy gola të mrekullueshëm dhe një asistim, Shala më meritori për fitore e Valerengas

Herolind Shala është duke kaluar nëpër një formë të mrekullueshme këtë edicion.

Mesfushori i Përfaqësueses së Kosovës ka shkëlqyer në fitoren e skuadrës së tij Valerenga 4-1 përballë Tromsos.

Ishte minuta e 13-të e ndeshjes kur Shala asistoi për Finne që hapi serinë e golave.

Pasi kaluan gjysmë ore lojë vendasit gjetën golin e dytë, ku realizator ishte Shala pas një gjuajtje të fortë nga distanca.

27-vjeçari ishte futbollisti më aktiv në fushë dhe i pandalshëm për kundërshtarët.

Në minutën e 75, Shala doli në skenë përsëri për ta shënuar golin e dytë personal në këtë takim pas një bashkëveprimi të mirë me Vilhjalmsson.

Për Valerengan kjo ishte fitorja e dytë në kampionat pas katër ndeshjeve të zhvilluara.

Javën e ardhshme kryeqytetasit kanë një udhëtim të vështirë pasi luajnë te Brann. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).