Dy gola dhe një asistim – Bernard Berisha ‘shpërthen’ në triumfin e Akhamt Groznyt

Bernard Berisha ka ‘eksploduar’ në fitoren 3-1 të Akhmat Groznyt ndaj Ufa-s në Superligën e Rusisë.

Vendasit e fituan një penallti në minutën e 14-të të cilën në gol e konvertoi pikërisht reprezentuesi i Kosovës më rezultatin 1-0.

Në pjesën e dytë, Ufa i barazoi shifrat në 1-1, me anë të Azer Alive (57’), e që nuk arritën të tregonin më shumë se kaq.

Bernard Berisha u përkujdes që të rikthehej epërsia e skuadrës së tij, pasi asistoi në minutën e 68-të te Vladimir Iljin që shënoi për 2-1.

Ylli kosovar u gjend edhe një herë në listën e realizatorëve, pasi shënoi golin e dytë personal dhe të tretin për Akhmat Groznyn në minutën e 77-të.

Pas kësaj fitoreje, Grozny gjendet në vendin e dhjetë me 17 pikë të arkëtuara, pas javës së 12-të.

Bernard Berisha aktualisht ka shënuar katër gola dhe ka bërë dy asistime te skuadra ruse. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).