Gjilan – Policia e Kosovës në dy raste të ndara në Aeroportin e Prishtinës i ka ndalur dy persona të kërkuar me letër-rreshtim të lëshuar nga gjykata. Në rastin e parë me 25.12.2014, rreth orës 18:00, është ndalur personi i dyshuar shqiptar shtetas i Kosovës, i cili ishte i kërkuar me letër-rreshtim të lëshuar nga Gjykata Themelore në Gjilan. Me aktvendim të gjykatës i dyshuari është dërguar në burgun e Dubravës për ta vuajtur dënimin prej 10-muaj njoftoj policia rajonale e Gjilanit.
Në rastin e dytë me 29.12.2014 gjatë kontrollit të dokumenteve në arritje nga Austria është ndalur personi R. H. me banim të përhershëm në Gjilan, për të cilin pas verifikimit në sistemin e të dhënave ka rezultuar se ka urdhëresë prej 10 ditë burg dhe letër-rreshtim të lëshuar nga Gjykata Themelore në Gjilan tha Ismet Hashani zëdhënës i policisë.
Personi është dërguar menjëherë para gjyqtarit pranë Gjykatës Themelore në Gjilan./rajonipress/
