Dy fëmijë humbin jetën në kanalin e Ibër Lepencit
RajoniPress
19:37, 21 Gusht, 2013
Një ngjarje e rëndë ka ndodhur sot rreth orës 15 e 30 minuta, në fshatin Stanovc të Vushtrrisë me ç’rast dy fëmijë kanë humbur jetën.
Kapiteni i Policisë së Kosovës, Bashkim Spahiu ka konfirmuar ngjarjen për Kosovapress, duke thënë se në rrethana ende të paqarta, dy fëmijë meshkuj, njëri pesë, e tjetri shtatë vjeçar kanë rënë në kanalin e ujit Ibër Lepencë, në fshatin Stanovc të Vushtrrisë.
Sipas tij vdekjen e tyre e kanë konfirmuar edhe mjekët e Qendrës Spitalore në Vushtrri.
