Dy deputetë shmangen nga konflikti i interesit

Agjencia Kundër Korrupsionit ua ka hequr dy deputetëve të Kuvendit të Kosovës Gëzim Kelmendi dhe Bahri Thaçi, pozitën e personit të autorizuar në bizneset e tyre private ku ata kanë qenë të angazhuar pavarësisht ushtrimit të funksionit publik si ligjvënës.

Në dy vendimet që kjo agjenci i ka bërë publike ka sqaruar se rastet e deputetit të PDK-së, Bahri Thaçi i cili është pronar i biznesit OP ”Shpëtimi”që merret me veprimtarin e mjekësisë sociale dhe atij të Koalicionit për Kosovë të Re, Gëzim Kelmendi, që është pronar i një ordinance stomatologjike D.T.P “Dentina”, janë mbyllur pasi këta të fundit kanë marrë masa para se AKK-ja të lëshojë vendim se ata gjenden në konflikt interesi dhe në këtë mënyrë, sipas këtyre vendimeve, ata i janë shmangur një vepre të tillë.

Në dy vendime të lëshuara më 15 nëntor, agjencia ka vlerësuar se rastet ndaj dy deputetëve janë hapur nën dyshimin e bazuar për konflikt interesi në ushtrimin e funksionit publik si deputetët por edhe si persona të autorizuar në bizneset private.

Në këto dokumente është sqaruar se të dy ligjvënësit janë thirrur në takim nga Agjencia Kundër Korrupsion dhe aty atyre ju është sqaruar situata në cilën ndodhen dhe masat që këta të fundit duhet të ndërmarrin në mënyrë që ta evitojnë konfliktin e interesit…(Tribuna).