Dy aksidente në Anamoravë, të lënduar drejtuesit e automjeteve, pasagjerët dhe një këmbësor

Gjilan – Sipas raportit të policisë në rajonin e Anamoravës kanë ndodhur dy aksidente trafiku ku janë përfshirë dy vetura dhe të lënduar janë vozitësit, pasagjerët dhe këmbësori.

Në Gjilan ka ndodhur një aksident trafiku me lëndime, ku të përfshirë kanë qenë dy automjete me drejtues një mashkull dhe një femër kosovarë. Si pasojë e aksidentit, lëndime kanë pësuar njëri nga drejtuesit e automjetit si dhe një pasagjer. Të lënduarit pas ndihmës mjekësore janë liruar.

Edhe në fshatin Sadovinë e Jerlive të Vitisë ka ndodhur një aksident trafiku me lëndime ku të përfshirë kanë qenë një automjet me drejtues mashkull kosovar dhe një këmbësor mashkull kosovar. Si pasojë e aksidentit, këmbësori ka pësuar lëndime trupore, me ç’rast ka pranuar dhe tretman mjekësor njoftoi policia e Kosovës./rajonipress/