Durmishi ndahet me Lazion

Riza Durmishi i ka dhënë fund para kohe eksperiencës në Lazio.

Futbollisti kosovar kishte kontratë me klubin italian deri në vitin 2023.

Por, përfaqësuesi danez vendosi ta shkëpusë kontratën me “Biancocelesti” para kohe dhe tash është lojtar i lirë, shkruan “Gazeta Express”.

Futbollisti i lindur në vitin 1994 është përshëndetur me shokët e skuadrës dhe tash mund ta kërkojë klubin e ri.

Durmishi kishte arritur në Lazio nga Betisi në korrik të vitit 2018, ndërsa paguhej 1 milionë euro në vit.

Mbrojtësi i krahut të majtë nuk ka arritur të lërë kurrë gjurmë në kryeqytetin italian. /Gazeta Express/