Durda: S’kemi motiv për jetën, mund të vdesim të gjithë

Tiranë – Gërdeci mund të sjellë viktima të reja. Ky është mesazhi që la të nënkuptohej Zamira Durda gjatë ceremonisë së varrimit të Tushe Osmanit. Një nënë që në tragjedinë e Gërdecit ka humbur fëmijën e saj 7- vjeçar rrëfen se pas humbjes së besimit tek drejtësia shqiptare, të gjithë mund të përfundojnë si Tushja, duke u vetëflijuar.

“Të gjithë mund të përfundojmë si Tushe Osmani. Aq më tepër që nëse këtë akt e ka bërë Tushja, që kishte një motiv për të jetuar, kishte mbesën e saj, çfarë mund të thuhet për ne të tjerët, çfarë mund të thuhet për gjithë ata persona që pas tragjedisë së Gërdecit kanë humbur çdo fije shprese?”, theksoi Zamira Durda në fjalën e saj, pas varrimit të Tushes.

Të pranishëm në këtë ceremoni ishin edhe përfaqësuesit e opozitës, si: deputetja e opozitës, Arta Dade, përfaqësuesja e opozitës për Tiranën, Lindita Nikolli, etj. Gjatë fjalës së saj, Nikolli theksoi se mungesa e drejtësisë shqiptare për çështjen e Gërdecit vazhdon të vrasë ende njerëz të pafajshëm.
(m.a/Gazeta Shqiptare/BalkanWeb)