Duet nga Adele dhe Williams

Këngëtarja britanike, Adele, ka vendosur të incizojë duet me Robbie Williamsin për albumin e saj të radhës.

Që në vitin 2009, 24-vjeçarja pati deklaruar se nëse ndonjëherë vendos të bëjë duet, atë do ta bënte me Williamsin, ndërsa krijuesi i hitit “Feel” është me fat pasi Adele dhe menaxhmenti i saj kanë refuzuar shumë emra të njohur.

“Nuk i dua bashkëpunimet. Më shumë më pëlqen të këndoj drejtpërdrejtë me njerëzit sesa të incizoj këngë. Nëse vendos për ta bërë këtë, atëherë do të incizoja me Robbien. Një ditë”, pati deklaruar Adele.

Williams deri më tani ka bërë duete me Kylie Minogue, Nicole Kidman, Rupert Everett dhe Jane Horrocks, ndërsa për fituesen e Oskarit ky do të jetë dueti i parë. /Telegrafi/