Dubova humb në Gjilan , fiton pozitë të lartë në kabinetin e Behgjet Pacollit
Gjilan – Në një vendim të Behgjet Pacollit thuhet se Arben Dubova do të kryej punë në interes të AKR-së dhe presidentit Pacolli duke ndihmuar me analiza dhe këshilla konkrete.
Arben Dubova njëri nga pretendentët për kryetar të degës së AKR-së tashmë ia ka parë hairin humbjes nga kjo pozitë pasiqë Behgjet Pacolli e ka emëruar këshilltar të lartë.
Dubova i cili nuk fitoj për postin e të parit të AKR-së në Gjilan dhe madje as në kryesi të AKR-së nuk ka kandiduar, ka marrë një njoftim nga Behgjet Pacolli se është emëruar këshilltar i lartë i tij.
Sipas vendimit të Pacollit , Arben Dubova më 7 maj është caktuar këshilltar i lartë i zotit Pacolli i cili do të punojë për interesa të AKR-së dhe të vet Behgjet Pacollit.
Në vendim thuhet se Dubova do ta ndihmojë zotin Pacolli dhe AKR me analiza e këshilla konkrete në organizim dhe profilizim të AKR-së./rajonipress/