Dua Lipa shkruan historinë, bëhet shqiptarja e parë që fiton një çmim “Grammy

Artistja shqiptare me fame botërore, Dua Lipa, ka shkruar historinë duke u bërë shqiptarja e parë që shpërblehet me një çmim “Grammy”.

Mbrëmja më e madhe muzikore e vitit e ka shpallur atë fituese në kategorinë “Kënga më e mirë ritmike”, për këngën e saj të suksesshme “Electricity”, në bashkëpunim me Mark Ronson dhe Diplo.

Lajmin për këtë e ka bërë të ditur vet Akademia e regjistrimeve “Grammy”, përmes një postimi në rrjetin social Twitter.

Pak para se të paraqitje në tapetin e kuq të eventit, këngëtarja shqiptare është njoftuar se ka fituar këtë çmim, ndërsa gëzimin e ka ndarë me fansat përmes një videoje në rrjetin social Instagram.

“Jeta është vërtetë e çmendur tani. Kaq krenare që kënga jonë fitoi çmimin ‘Grammy’. Shihemi së shpejti në tapetin e kuq”, ka shkruar Lipa në Instagram.

“Grammy” ndërkohë ka zbuluar vetëm disa nga çmimet e mbrëmjes, teksa Dua është e nominuar edhe në një kategori tjetër.

Ajo konkurron edhe për çmimin “Artistja e re më e mirë”, në po të njëjtën kategori që gjkendet e nominuar shqiptarja tjetër e suksesshme, Bebe Rexha.

Kjo e fundit, ka vetëm një shans për të fituar këtë çmim, pasi në kategorinë tjetër ku ishte e nominuar “Dueti më i mirë i zhanrit country”, ajo është mundur nga Dan dhe Shay që triumfuan me këngën e tyre “Tequila”. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).