E mbani mend bujën që u bë në rrjet kur Dua Lipa u bë bionde në 2019? Këngëtarja u kthye te ngjyra kafe e errët në mesin e vitit 2020 dhe që atëherë e kemi parë me ngjyrën e saj natyrale të flokëve. Por artistja me origjinë shqiptare i surprizoi të gjithë mbrëmjen e djeshme në çmimet Grammy 2022, ku u shfaq me flokë biondë super të gjatë.
E veshur me një fustan Versace ngjyrë të zezë, Dua Lipa rrëmbeu gjithë vëmendjen me transformimin mahnitës. E parë për herë të fundit në Instagram brune, me sa duket Dua e kishte mbajtur këtë ‘as nën mëngë’ pë natën madhështore.
Dua ka vendosur që rrënjët t’i mbajë më të errta ndërsa nuanca është gati platin. Këtij ndryshimi kaq të madh këngëtari vendosi mos t’i shtojë ndonjë model ekstravagant duke i mbajtur flokët të drejtë teksa kishte bërë një makeup natyral.
Si çdo vit, edhe këtë herë Dua zgjodhi të vishej nga Donatella Versace që i kishte stiluar asaj një fustan të zi me detaje ngjyrë ari, që daton nga koleksionin “Miss S&M” në 1992. Fustani elegant i zi, ishte i çarë në pjesën e pasme duke nxjerrë në pah siluetën e Duas.
Ajo bashkë me Megan The Stallion u ngjitën në skenë për të dhënë çmimin “Artistja e re më e mirë” që u fitua nga Olivia Rodrigo.
