Dua Lipa me fustan transparent në premierën e filmit “Alita: Battle Angel”
RajoniPress
09:44, 1 Shkurt, 2019
Dua Lipa ka pozuar në krah të dashurit Isaac Carew në qilimin e kuq që u shtrua me rastin e premierës së filmit “Alita: Battle Angel” në qytetin e Londrës.
Edhe disa prej aktorëve protagonist të filmit defiluan para fotografëve, megjithatë vëmendjen më të madhe tërhoqi bukuroshja jonë.
Zeshkania me këtë rast kishte veshur një fustan transparent që i ekspozonte këmbët si dhe supet mbi krah.
Në fakt, Dua ishte ftuar në këtë ngjarje pasi ka kënduar kolonën zanore të filmit “Alita: Battle Angel” .
Ky i fundit rrëfen historinë, ku e braktisura Alita gjendet në qytetin e hekurit nga një kiber-doktor që e dërgon në klinikën e tij. Përderisa ngjarja zhvillohet, asaj nuk i kujtohet e kaluara e saj dhe mundohet ta mbron veten nga e kaluara.
Theksojmë se filmi është dashur të shfaqet në vitin 2003, megjithatë regjisori James Cameron kishte lënë anash projektin për t’u fokusuar te “Avatar”.
Ndryshe, “Swan Song” e publikuar javën e kaluar deri më tani numëron mbi nëntë milionë shikime në YouTube. /Telegrafi/
