Dua Lipa: Kur dëgjova zërin tim për herë të parë u mbusha me lot

Këngëtarja shqiptare me famë botërore, Dua Lipa, ka pranuar se hapat e suksesit të saj e bënin atë shumë të emocionuar, transmeton Zeri.info.

Dua përmes një interviste për GQ, ka folur për herë të parë rreth reagimeve të saj që pati kur po dëgjonte se këngët e saj po transmetoheshin në mbarë botën.

“Kur dëgjova zërin tim për herë të parë u mbusha me lot, rashë në dysheme dhe nuk besoja në atë që po ndodhte” është shprehur Dua Lipa.

Këngëtarja 22 vjeç, kujtoi edhe momentin kur për herë të parë kuptoi se puna e saj po vlerësohej pozitivisht në mbarë botën.

“Kënga e parë e imja që e dëgjova në radio të ndryshme ishte ‘Be the One’”.