Dua Lipa ia kalon Rita Orës, ftohet në programin e famshëm amerikan

Dua Lipa mund të ketë mbërritur sot në Kosovë, e megjithatë jehona e saj vazhdon ende jashtë kufijve shqitarë.

Në një postim të bërë së fundmi në Instagram, babai i këngëtares Dukagjin Lipa ka bërë të ditur se e bija do të jetë sonte e ftuar në programin super të ndjekur amerikan, “The Tonight Show with Jimmy Fallon”, shkruan intv. Një program i cili karakterizohet nga intervista dhe lojëra tepër gazmore me të ftuar personazhet më të suksesshëm të showbizit botëror. Nuk është ende e qartë nëse Dua Lipa do të intervistohet nga Jimmy Fallon apo thjesht do të performojë, por sido që të jetë ky është një privilegj i madh për këngëtaren. Shoqet e saj si Rita Ora apo Bebe Rexha ende nuk e kanë pasur këtë fat!