Dua Lipa dukej elegante teksa kishte veshur një fustan të bardhë që binte në sy teksa pozonte për një galeri fotografish për Instagram të mërkurën.
Këngëtarja, 27 vjeçe, shijoi disa pushime teksa po përgatitej të performonte natën e dytë në Auckland të Zelandës së Re të turneut të saj “Future Nostalgia”, shkruan DailyMail.
Dua dukej elegante e veshur me një fustan të bardhë, i cili kishte një fund të plotë me palosje, gjersa ishte kombinuar me një palë çizme të larta kremi me lesh që bienin në sy.
Ylli i hitit “One Kiss” kishte vënë një palë vathë të mëdhenj argjendi me rrathë dhe një palë syze dielli me kornizë të zezë teksa pozonte buzë detit.
Artistja me origjinë shqiptare shtoi një pallto të koordinuar me veshjen, ndërsa më vonë endej nëpër një fermë duke pozuar me një viç.
Dua do të kthehet në Australi muajin e ardhshëm kur do të performojë në Brisbane më 5 nëntor, përpara se të ketë dy koncerte në Sydney më 9 dhe 10 nëntor.
Më pas këngëtarja do të mbajë dy koncerte në Melburn më 11 dhe 12 nëntor përpara se të performojë Adelaide më 14 nëntor.
Ajo do të përfundojë turneun e saj në Perth më 16 nëntor.
Kjo paraqitje e saj vjen pasi ajo konfirmoi se është beqare pas një vale thashethemesh se ishte në lidhje me shokun e saj Trevor Noah.
Dyshja u fotografuan së bashku teksa po shijonin një darkë në fillim të këtij muaji.
Dua i dha fund lidhjes së saj dyvjeçare me Anwar Hadid në dhjetor të vitit 2021, e cila erdhi pas një romance pesëvjeçare me Isaac Carew. /Telegrafi/
