Dua Lipa – artistja e dytë më e dëgjuar në botë në platformën Spotify

Vetëm një ditë më parë albumi i saj është certifikuar si ‘platinum’ në Mbretërinë e Bashkuar.

Fjala është për këngëtaren shqiptare me famë botërore, Dua Lipën, e cila arriti një sukses të jashtëzakonshëm me albumin e dytë në karrierë të quajtur “Future Nostalgia”.

Ajo sot (e hënë) u njoftua se është bërë artistja e dytë më e dëgjuar në botë në platformën e popullarizuar, Spotify.

“Dua Lipa bëhet artistja e dytë më e dëgjuar në botë në platformën Spotify me më shumë se 63 milionë dëgjues në muaj”, thuhet në një postim të bërë nga faqja ‘Dua Lipa Argentina’.

Ajo ka arritur mbi 63 milionë dëgjues në muaj dhe duket se e gjithë kjo pas publikimit të albumit të lartpërmendur.

“Future Nostalgia” duhet theksuar se u publikua në mes të pandemisë vitin e kaluar dhe numëron 11 këngë të frymëzuara nga stili i muzikës në vitet 80’ dhe 90′. /Telegrafi/