Gjilan – Në tri raste të ndara Policia e Kosovës ka arrestuar të dyshuar për posedim të substancave narkotike, të dyshuarin për ngacmim ndaj femrave dhe një tjetër në Viti për dhunë familjare.
Në rrugën “Idriz Seferi”, në Gjilan janë arrestuar tre të dyshuar meshkuj shqiptar, pasi gjatë kontrollit në veturë u është gjetur dhe konfiskuar një sasi substancë e dyshuar narkotike e llojit marihuanë, me peshë rreth 5.4 gramë. Me urdhër të prokurorit të dyshuarit pas intervistimit janë liruar në procedurë të rregullt.
Po ashtu në Gjilan është arrestuar i dyshuari mashkull shqiptar pasi që gjatë kontrollit në trup i është gjetur dhe sekuestruar një sasi substancë e dyshuar narkotike e llojit Kokainë në peshë 15.2 gram. I njëjti është intervistuar dhe me vendim të prokurorit është dërguar në mbajtje . Rasti është duke u hetuar
Një tjetër rast në Gjilan policia e ka arrestuar të dyshuarin mashkull shqiptar, pasi që i njëjti e ka ngacmuar verbalishtë viktimën femër shqiptare. Me vendim të prokurorit i dyshuari pas intervistimit është dërguar në mbajtje. Rasti është duke u hetuar.
Në Viti ndërkaq në lidhje me rastin është raportuar se me 22.08.2019 është arrestuar i dyshuari mashkull shqiptar dhe i njëjti me urdhër të prokurorit është dërguar në mbajtje. Rasti është duke u hetuar./rajonipress/
