Drita vendos fatin e kampiones në Gjilan

Vajzat e KV Dritës, kanë bërë rikthimin e madh duke mposhtur vajzat nga Skenderaj me sete 0:3 dhe duke barazuar ndeshjet në 2:2.

Vashat e Dritës dominuan ndeshjen nga fillimi deri në fund, duke e sjellur fatin e kampiones që të vendoset në Gjilan.

Setin e parë Drita e fitoj me rezultatin 16:25. Seti i dytë në pamje të parë duket se ishte më i ngushtë, por në këtë set epërsia e Dritës u ngushtua krejt në fund dhe KV Drita këtë set e fitoi me rezultat 23:25. Në setin e tretë, KV Drita siguroj fitoren pas rezultatit 17:25.

Fati i kampiones do të vendoset në Gjilan, në ndeshjen e cila do të zhvillohet të dielën në palestrën e Sporteve “Bashkim Selishta – Petriti” në Gjilan. Skenderaj – Drita 0:3 (16:25, 23:25, 17:25)./rajonipress/