Drita vazhdon rrugën drejt titullit

Lideri i Superligës së Kosovës në futboll Drita, me mjaft vështirësi arriti ta mposhtë skuadrën e fundit në tabelë Dukagjinin nga Klina me rezultat 2-0, duke e mbajtur ende pozitën e liderit me 58 pikë të tubuara.

Mysafirët gjatë tërë ndeshjes treguan angazhim maksimal, ndërsa futbollistët e Dritës edhe pse krijuan një mori raste nuk arritën më shumë se dy herë ta gjejn rrjetën e portierit Bojaj.

Në pjesën e parë Drita tregoi lojë mjaft të plogësht edhe pse u krijuan disa raste siq ishin ato të: Haxhimusës, Fazliute Emini, por gjuajtjet e tyre përfunduan jashtë portës.

Ndërsa në këtë pjesë vlen të veçohen rastet e Dukagjinit, ku përmes Marmullakut e Elezajt në dy rastet rrezikuan Faton Malokun “gardiani” i Dritës.

Në minutën e 47-të, Izair Emini ndalet nga Palushaj në zonë dhe arbitri me të drejt tregoi pikën e bardhë.
Gjuajtjen nga pika e bardhe e ekzekuton Haxhimusa por portieri Bojaj pret.

Në minutën e 58-të, Drita arrinë të zhbllokon rezultati pas goditjes nga këndi me kokë mbrojtësi i majtë Leci me kokë nga afërsia gjenë rrjetën e musafirve 1-0.

Dy minuta para përfundimit të ndeshjes Vuqaj pason gjerë te Astrit Fazliu i cili nga 10 metra me gjuajtje të furishme gjenë këndin e epërm të musafirve për ta përmbyll këtë sfidë.

Trajneri i Dritës, Ardian Nuhiu, pas ndeshjes deklaroi.
“I përgëzoj mysafirët për lojën e treguar, ne krijuam mjaft raste por na mungoi fati por në të ardhmen nuk guxojmë t`i përsërisim rastet për të mos shënuar, sot me rëndësi është fitorja. Tani do të vin ndeshjet direkte dhe nuk do të kemi kohë për relaks.

Në javën e 28-të, Drita është udhëtuese në Podujevë ku do të ballafaqohet me Llapin./rajonipress/