Drita triumfon në derbi kundër Prishtinës

Skuadra e Dritës ka shënuar fitore të rëndësishme kundër Prishtinës me rezultat 1:2, në derbin e xhiros së 21 në Superligën e Kosovës në futboll.

Skuadra e Prishtinës arriti të kaloj e para në epërsi, me golin e shënuar nga amerikani Jalen Blesa në minutën e 34-të.

Gëzimi i skuadrës nga kryeqyteti nuk zgjati shumë, pasi në minutën e 43-të, Besnik Krasniqi barazoi rezultatin.

Në fillim të pjesës së dytë, në minutën e 48, Drita arriti të kaloi në epërsi me golin e Blend Baftiu që në fund doli të jetë goli i fitores.

Me këtë fitore, Drita barazohet me Ballkanin në krye të tabelës me 44 pikë, por ekipi nga Suhareka ka një ndeshje më pak të zhvilluar.