Drita tregon forcën e saj ndaj Prishtinës në Drenas

Gjilan – Përforcimet e Dritës dhanë provimin së paku ndaj Prishtinës në Drenas, duke e hapur edicionin në mënyrë spektakulare duke e mposhtur Prishtinën më rezultat 1 – 0.

Ndeshja u zhvillua në stadiumin “Rexhep Rexhepi” në Drenas për shkak renovimit të stadiumit në Prishtinës.

Tifozët e Dritës, “Intelektualët”, kishin udhëtuar drejt Drenasit për t`i përcjellur dashamirët e tyre dhe nuk u zhgënjyen me ata çka dhuruan gjatë 90 minutave në fushën e blertë të futbollit.

Deri në minutën e 33-të, dy skuadrat ishin të kujdesshme por këtë qetësi e prishi Xhevdet Shabani, ku pas një aksioni shumë të bukur mes Fazilut dhe Kryeziut nga 10 metra nga krahu gjuan Shabani duke e shtangur në vend portierin e Prishtinës, Bekaj, dhe del se ky gol i siguroi tri pikë në fillim të kampionatit të ri futbollistik skuadrës së Dritës.

Futbollistët e Prishtinës patën rastin më të mirë të ndeshjes të shënojnë në minutën e 61-të, por gjuajtjen e Mankendës e ndal shtylla.

Deri në fund të ndeshjes futbollistët e Prishtinës bën përpjekje të shënojnë, por nuk arritën pasiqë të gjitha repartet e Dritës funksionuan ashtu siç duhet.

Trajneri Milaim Zuzaku i Dritës pas ndeshjes deklaroi.
“Kam qenë i bindun se nga kjo ndeshje do të kthehemi triumfues, djemtë luajtën mirë dhe kjo u shpërblye me fitore, ndërsa ne do të vazhdojmë të punojmë edhe më fort pasi para vete kemi edhe 32 javë”.

Në javën e dytë, Drita prapë do të jetë udhëtuese ku do të takohet me Besën e Pejës./rajonipress/