Drita tifozët e saj i bënë me shkollë

Gjilan – Klubi futbollistik Drita nuk ka të ndalur me befasitë të cilat po i përgatit për festat e fundvitit.

Kësaj radhe drejtori i Dritës Feti Murseli ka nënshkruar marrëveshje me Rektorin e ISPE-së Avni Mazrekun një bashkëpunim afatgjatë për tifozët e Dritës “Intelektualët”.

Të gjithë “Intelektualët” të cilat kanë kartele të anëtarësisë të KF Drita tani e tutje do të kenë mundësi të studiojnë në Kolegjin e ISPE-së, do të kenë një beneficion tejet të volitshëm me zbritje 35 përqind më lirë.

Ditë më parë kryesia e Dritës bëri edhe një befasi duke shpërndarë dhurata fëmijëve të shkollave të Gjilanit.

Është një shembull i veçantë i kryesisë së Dritës ata përpos sportit që kontribuojnë mendojnë edhe për ardhmërinë e të rinjve duke ju hapë perspektivë të edukimit.

Një shembull të tillë duhet të ndjekin edhe klubet tjera në Kosovë./sylejman ismajli/rajonipress/